Mangbik Sangcem cu--Pu Kio Hmung

Upatmi hawidawt rual,

Pu Kio Hmung phuahmi "Mangbik Sangcem Cu" hlabia le hla kan hun tar. Kan sak tawnning he aa dang lengluang. A toi i an sakning zong hi aa palh len. A hla ngaih pah in a hlabia vun zoh hna usih. Aa dannak tete na hmuh ahcun na maut te khan khlik vun tuah law, vun slek pah hna.

Rungcin Biaruahnak ah Pu Kio Hmung nih; "Hla kan phuah tik ah kan i tinhmi le kan hei phuah hnawhchanmi sullam hi hla i a muru zong a si" tiah a rak ṭial. A kum ka philh.

Thington aw: "Mangbik sangcem cu"
Hlaphuahtu: Pu Kio Hmung

1. Keimah vang i lungrawn khuahalh cu,
Sakhnem ruuninn hmanh tong lo in,
( Tong lo in)2
Sakhnem ruuninn hmanh tong lo in,
Vanbawi ceucin hung chuah ngai hi.

Thiltlau bang vun kawl hna tluangdang in ee
Chaklei lungtinfim, Mangbawi rual nih ee
(Mangbik sangcem cu)2
Thiltlau bang vun kawl hna tluangdang in ee
Mangbik sangcem cu

2. Ruunrep tong lo sangcungnung ko ngai,
Salnun cawng ai caw ruuninn ah,
(Runinn ah)2
Salnun cawng ai caw ruuninn ah
Hung chuak maw, fak ai cu ka thin.

3. Nauta chiahrin hmanh hluan ko seh law,
Sangbik cungnung ah kan chiah lai.
(Kan chiah lai)2
Sangbik cungnung ah kan chiah lai.
A thawng vaica bang rel len lai.

4. Merem thiam lo in ralthuam tling he,
Sunghno a nu pomṭang cungah,
(Ṭang cungah)2
Sunghno a nu pomṭang cungah,
Dar bang in kan rawk lai ti hna.

~~~~~~~~~~~~~~~~~~~~~~~~~~~~~~~
Kan caholh hi kan kilhkamh le kan fimhlawm a hau.

~~~~~~~~~~~~~~~~~~~~~~~~~~~~~~~

South Korea ah miphundang nih Siaki he: ka'n hmet te.

2006, Torch Trinity Graduate School of Theology, Seoul, Korea ah International Students nih Laihla an sak i an lam lio a si. CCF, Korea pastor hlun Lal Pek Lian le a hawi le rual an si. Siaki he Laithuam tling he Khamhbawi chuah an lawmh.

Hi hla kong hi "Pu Kio Hmung phuahmi a si ko" tiah Lai Forum biaruahnak, Saturday, December 23, 2006 hrawng zong ah kan rak iruah cang hna.