[Combine Christmas Kan Tuah, South Korea ah]

Nihin, December 14, 2008, ni ah Korea ram Kawl khrihfa pawl cu 'A Voi 7nk Combine Christmas' tlamtlingte in kan tuah. Chin Christian Fellowship nih ṭuanvo a lak. Khrisamat a zawh khomi hi minung 180 leng kan si. Korea ram um Kawl khrihfami nih kan ingaih bik tawnmi cu Combine Chiristmas hi a si. Hi caan te ah hin khrihfami pawl hi kan ihmu tong kho dih tawn. Khrihfa a si lomi zong an rak zawh ve. Tu kum, December 14 thengte i an kan tuahpimi bal te hi a kong kan hngal lo, zapi nih cun. Hi Combine Christmas tuah khawh nakding i tlangtlatu cu Myanmar Christian Communities (MCC) a si. MCC hi 2002 ah an rak dirhmi a si. Member fee le member form a ngei lo. Hmailei ah an kan tuahter te lai ma, zei dik; Khrihfa pawl hi bu dirh kan ifawih tuk i. MCC hi Korea ram um Kawl khrihfa bu i aiawhtu pakhat cio zaanghlei cawi in an itelnak biaknaklei khuakhangtu bu a si kan ti lai cu. Korea ram ah hin Khrihfa bu panga kan um: (1) Chin Christian Fellowship (2) Onnuri Myanmar Community (3) Dong Do Myanmar Community (4) Bokdoen Myanmar Community (5) Shi-lo-aan Myanmar Community hna hi an si. MCC minput in rian a ṭuantu cu minung panga an si kan ti lai cu. MCC nih hin Combine Christmas lawng si loin Nargis Cyclone victims bawmh nakding kong le 2007 lio i Phungki pawl lamthluan an zulh lio Raap pawl nih teng ko an rak kah hna tan zong ah khan kan ram caah le kha hna pawl caah khan thlacamnak zong an rak kan hruai i kan rak tuah kho. A dang pakhat te ka theihmi a um rih nain a zei kong set a si ka hngal ti lo. MCC hi Korea ram chung ah rian a ṭuan ahcun 'MCC' aa ti i ramlenglei ah rian a ṭuan ahcun 'MCC Korea' aa ti.

Hi ti hin sawmnak ca an ṭial.

Kan tuahnak hmun hi Sam Siizung Biakinn a si.
Mrs. Salome nih caan a tlaih i a thiam ngai an ti len. Opening Message zong a chim.

CCF kan pastor a camipuai aa naih tuk i a ra kho lo; amah zaka ah pastor Thlia Caan nih hramthawknak thla a cam.

'Joy to the World' hla an sak lio.


Onnuri Myanmar Community nih group song an sak lio.
CCF president Salai Sui Hmung nih lawmhnak bia a chim pinah MCC hi 2002 in rak dirh a sinak kong tehna a chim chih.
Chin Christian Fellowship nih group song an sak lio. CCF pawl hi hmunkhatte ah an ṭhudir lengmang. An lung aa rual kan ti lai cu.
Rev. Cho Hung Om Ngai nih zapi ca'h thla a cam lio.


Drama: "Why Don't You Tell Me": "Ziah, na ka chimh lo"
1 Korin 9: 16; ...Thawngṭha cu chim loin rak umning law zeitluk in dik ka caah a poi hnga!
Marka 16:15; "Vawlei cung khuazakip ah va kal u law miphun kip kha thawngṭhabia va chim hna."

Drama cu hiti'n aa thawk: hawikom hna pahnih lam an lengṭi. Khua zaza an cuan. Cu lio ah cun miṭhalo pawl kut in an thi. An thlarua a hei tho.

"E~, kan thih ko hi ta" tiah pakhat le pakhat an i hal. Cu lio ah cun awdawh te an theih. "Ai, cu tluk awdawh cu" tiah an vun caak. "Vanmi ma a si hnga" a ti, pakhat deuh nih. A hawi nu nih cun a ruah awk zong a hngal lo. Puanrang aih in Vanmi cu an pawng ah a va phan. Lunglawmhnak in an khat. Cu liopi bak ah cun nak depdup in Satan a hun phan ve. An ṭih tuk ah a lu buk tia a ti. Mah hawikom hna pahnih ah hin pakhat hi Pathian dawtnak a thei lomi a si. Cu nu cu Satan nih cun a ban in caw, naa hrem lo hruai khin a vun hruai. Nute nih cun mah hngal loin a kheh, a kio pah in a hawi nu cu a thawh i; "Ka maw, ziah na ka chimh lo, Pathian dawtnak kong" a ti. Nain a caan luan cang. Hngal na ruangmang in Satan nih cun aa kalpi ko. A dih.

Dong Do Myanmar Community nih group song an sak lio.

Pastor Tual Lian Tuang nih thawngṭha a kan chimh.

SAM Biakinn i an mino pawl an si. An zung in Pathian an thangṭhat lio a si. An cung ah Kawl Khrihfa pawl kan ilawm.
Bokdoen Myanmar Community le Shi-lo-aam Myanmar Community zong nih group song an kan sakpiak.

Sayama Mary Nuam nih thawhlawm ca'h thla an kan campiak.

SAM Biakinn pastor pa nih lawmhnak bia a chim lio a si. Sayama Mary Nuam nih holh an kan lehpiak.

MCC nih 2008 mifel laksawng cu Salai Ṭha Peng Kam an pek.

'Hark! The Herald Angels Sing' hla kan sak dih in Rev. Taih Chun Sein thluachuak peknak in 2008 Combine Christmas cu a dih.

MCC nih rawl an kan dangh.

Rawl kan ei dih ah cun mahle einak te ifim a si. Atu a umning te hi aho nih remh chommi a si lo; a chiatu pakhat cio i an chiahning te a si. Hihi Korea lawng ah si loin Lailei zong ah ihmang kho seh law a ṭha tuk hnga. Bawi deuh le upa deuh zong a thaw hlei pek an si lo; kan eimi aa khat dih.

Tukum cu Pu Ṭuan Sang, Pa Sang Lawn Thang le Pa Van Biak Cung an re a thei bak si. An cung ah pumpak in kaa lawm.

Hmaikum 'Combine Christmas' zong aa naih tuk ṭhan cang, :)...