Pu Van Thawng Cung nih Metkhuabo ah a ṭialmi a peh a si. A toi ah hin a peh rel khawh a si.
Salai Bawi Uk Thang i kan itarmi a si.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
--- On Mon, 12/29/08, Vanthawng Cung wrote:
From: Vanthawng Cung vtcung@yahoo.com
From: Vanthawng Cung vtcung@yahoo.com
Subject: [Metkhuabo] DC lei khuaruahhar thil (a peh)
To: laiforum@egroups.com, metkhuabo@yahoogroups.com
Date: Monday, December 29, 2008, 10:54 AM
____________ _________ _________ _________ _________ ________
Hi kong tamdeuh rel a duhmi caah kan vun peh ṭhan. A rel cia nih cun Q13. thawk khin rel ding asi lai. "Duh le zumh, duh lo le zumh lo" ding asi ko. Kan Laimi chungah a cangmi thil asi caah faak khun in ka laak duhnak zong asi pah.
____________ _________ _________ _________ _________ ________
Laimi u le nau hna,
DC Lai hngakchia nute cung i a tlungmi thil kongkau ah Salai Bawi Uk Thang nih a vun ṭial len cang. Cun, a hmanthak zong a vun taar pah len cang. Theihtlei asi ve caah vun ṭial loin ka um kho lo. Tuzing tuan tein ka tho i kan umnak in 40 minutes hrawng asi mi an umnak hmun ah Pu Za Hnin Lian (Seihni Thang Cung nau pa) he kan vung kal. Suimilam pakhat tluk an nufa bia kan ruah hna. A nu, Kiakte hi keimah he Thantlang High School a rak kai ṭimi le hawikom ṭhing kan si caah i ngamhtlak ngaiin bia kan i ruah. Cu hnu ah zaanlei 3.00 p.m ah kan Biakinn (CBMC) ah i pum dingin kan upate nih an sawm hna caah mirangpa nih motor a vun khalh piak hna i a nufa an rung kan pumh pi. Cuvial chungin ka hmuhtonning tlawmpal zapi theih awk in hun chim ka duh.
A min: Chang Chue (A Ching)
A lai min: Far Sung Hniang
A chuahnak: Hakha
A holh thiammi: Hakha, Falam, English
A kum: 13 yrs
A cataang: 8th Grade
A umnak: Frederick, Maryland
A nu min: Biak Thluai (Kiakte)
A pa min: Ywe Han (Hakha Laansung ummi)
Biahalnak le bialehnak in ṭial ah a fian deuh ka zumh caah mahtining cun anu he, amah he bia an kan lehning in ka hun ṭial ko lai. Biahalnak hi 'Q', a nu bialehnak hi 'Anu', Aching bialehnak hi 'Amah' tiin ka hun hman lai. Cun, Aching hi muidawhte, mifimte, mi duhnungte, mi ngote, mi nunnemte, mi titsa hninghno ngaimi te, mi holh tlawmte, mi ningzah pangte, hngakchia mui a keng ngai rih mite (innocent face) khi asi.
Q 1. Zeitik in dah mah ti a um hi aa thawkning?
Anu: Kan hnu lei August thla i Saya LiLian Camping a dongh lai zaan khan aa thawk.
Q 2. Mah cu zeitiset in dah asi ning asi?
Anu: Camping dong lai zaan ah amah tein Jesuh lemcang in a um i, kan inn ah na fanu mahti cun a um e, tiah an ka auh caah ka vung kal. Ka phak ah cun a rak dam cang. Amah zong piangpai ngaiin a rak um. Camping kai mi vialte tu cu kan sinah Jesuh a tak in aa langh an ti i, mitthli rual he an rak ṭap dih hna. Mahti lio ah cun amah cu a lung a fim lo an ti. Video le Camera in hmanthlak a timh len nain a hohmanh nih an thla kho lo. An Camera le an video vialte zeitin dik asi hnga, a rawk dih bantukin a um an ti.
Q 3. Jesuh a tak in aa langh na timi cu zeitindah aa langhning asi?
Anu: Amah cu a holh lo. A lung zong a fim lo. Nain, Jesuh vailamtahnak i a temhning te bak in a taksa in a langhter. Drama bantuk khi asi ko hen cu. A kephah pahnih aa chuah, a ban aa phar. A ke pahnih aa chuah mi cu patling pipi nih an ṭhial hnik len zongah a ngah lo.
Q 3. Zeitik in dah a kut cung i caṭial hi a langh?
Anu: A liam cia zarh hnih hrawng khan asi. Zingka ah kan tho i, ka nu ka kut hi zohhmanh amah tein ca aa ttial a ka ti i, ka zo piak. Ka khuaruah a hartuk ve i Pu Than Kip Luai le kan krihfa upa pathum-li le a nute le pawl ka auh hna i an hung zoh cio.
Q 4. Zei tehna dah aa ttial?
Anu: A ṭialka ah cun a tambik cu 'I am coming soon' ti tehna, 'Tell the Gospel' ti tehna, I am real ti tehna, Peace ti tehna, Wisdom ti tehna an si bik. A tamtuk aa ṭial cang i kaa chinchiah cawk lo. Cun, a caṭial hi biatawi tete lawngte in a lang. Kan krihfa upa pawl nih cun a caan he a caṭial he an i chinchiah dih ko.
Mah chung vialte cu a nu he lawng bia kan i ruah hna. Kan fanute cu hmuh kan duh ko, ra kan auh piak ko tuah tiah a nu cu ka hal. Aih! kan nufa ningzak kan si. Hawi theihter hmanh hi kan duh lo fawh. Ka hawile nanmah sin lawngah fawh ka chim bia deuh asi a ti. A fanu cu a vun auh i a rung ṭum. Hmaan kan thakpi. A kut cu kan zoh. Caṭial cu zeihmanh a um lo. A vun belte cu a car nawn khin a um. A kehlei kutbor (reekte) zawn i a cuangmi vailamtah pathum le a kutbor (keh le vorh) cung i a ummi thirkhenhnak neh belte cu an um. Anu nih "nute, na pu le an si hih, ṭha tein chawn hna" a hei ti i ngamh ngaiin a hei kan chawnh ve.
Q 5. Na kut caṭial cu a um ti lo maw, zeihmanh kan hmuh ṭung lo?
Amah: A duh caan paoh ah a chuak i a duh caan paoh ah a tlau.
Q 6. Mah caṭial a hung chuah lai cu na thei maw? A fah tah a faak maw? Zeiti khin dah na feel ning asi?
Amah: Ka theih ko. A thak pah. A fah zong a faak pah. A chim awk ka hngal ve lo.
Q 7. Na taksa dang ah tah zeizei a um maw?
Amah: Kan hnu zarh ah ka hnak a faak i mah zawnah cun a nakmi hmaneh a cuang. Mahka zawn cun a thi a chuak. A hmaneh cu a tu cu a lo. Nain, a duh caan ah a lang ṭhan. Cun, ka ke thir an khenhnak hmaneh zong a lang. Mah tu hi cu a thi tlawmte lawng a chuak.
Anu: Nizaan tihni ah khan a hawinu tiddim nute he chun ah lente an i celh lio ah eekinn ah a lut i a au i, ka vun zoh cu a kut cunglei thirkhenhnak hmaneh zawn in thisen a hung luang thiahmah ko. Zeiti awk ka hnga lo i, ka hnawh piak. Ka hnawh lio ah a hawinu te nih a kan naihtuk i, a thi dorte nih a tlak sual. A ai ciammam i a ṭap i, a pa sinah a tli.
Q 8. Ziah thisen dor tlak cu mahti cun na hawinu cu a ai hnga?
Amah: Keimah thisen asi lo. Pathian thisen asi. Pathian thisen cu hmuh khawh asi. Nain, tongh a ngah lo. Nan tongh ahcun aan kangh ko hna lai.
Q 9. Nute, zeiruang ah dah na kut ca aa ṭhial lai ah mi hmuh lo nak room maw, eek inn ah maw na zaam lengmang? Na nu nih hmuh a duh lo a zaam lengmang aan ti?
Amah: Pathian hmai cu hmuh a ngah lo. A zoh mi cu an mit a caw lai.
Q 10. Aa ṭial lio cu na hmu maw? Cafung in maw an ṭial, amah tein dah na thahri an hung puar?
Amah: A ṭialtu kut cu ka hmuh ko. Nain, voitam ka hmu ve lo. Room chung ka luh bak khin ka mit kaa au hlei ve ti lo.
Q 11. A caṭial cu mirang holh lawngte maw asi peng?
Amah: Aa ṭial ka ah cun Greek, Israel le Taluk holh in aa ṭial. Ka theih khawh lo caah thla ka cam i amah tein mirang holh ah aa thleng.
Q 12. A dang zeizei na hmuhmi le na theihnak a um maw?
Amah: Nangmah bantuk minung hi vawleicungah an chuak ti lai lo. Nangmah hi a donghnak na si. Atu ah cun mitlawmte lawng nih an in theih. Nain, hi hnu ah cun mitampi nih nangmah hi an in kawl lai i hmuh an in duh lai an ka ti.
Q 13. Mah vial lawng cu maw, a dang a um ti maw?
Amah: A um ko. Keimah hi vailam ah thah ka si te lai. Nain, nithum hnu ah ka tho ṭhan lai. Cucaah, thlankhor thukpi chungah an ka phum nak hnga lo ka chim lengmang. Mah cu miphun dang vialte nih an ka theih khawh nak hnga ding caah asi.
Q 14. An in thah ding cu na ṭih maw?
Amah: Preparation ka ngei dih cang i ka ṭih lo.
Q 15. Mahti na umka te hin Pathian thlarau rianṭuannak asi ti na fiang maw?
Amah: Ka fiang lo. A duh zong ka duh lo. Thla ka cam lengmang. Nain, atu cu a ka fial mi paoh tuah dingin ka accept cang.
Q 16. Sianginn na kainak ah na kut caṭial hi a chuak bal maw?
Amah: Voihnih a chuak. Nain, ka hawile nih cun an hmu lo.
Q 17. Ziah, na zohter ve hna lo, hmu ve hna seh law pei an zumh hnga cu?
Amah: Na lih, nangmah tein naa ṭial an ka ti lai i an zum hlei lai lo.Anu: Voikhat cu sianginn ah a chuak hnik i a umkhua a nuamh lo caah a kan auh i kan vung laak. Mah thawk cun, ka nu, siangiin hi ka kai rih lai lo a kan ti i a tu tiang aa din ko.
Q 18. Sianginn cu kai lo thai maw naa timh?
Amah: Hmaizarh cun ka kai ṭhan cang lai ka ti.
Q 19. Chun karlak ah nangmah lawng maw inn ah an in kal taak tawn?
Anu: Voikhat cu rian ka ṭuan lio ah a ka auh i, ka nu rak ṭin zokzok law a ka ti. Rian ṭuan lio cu asi caah ka ṭin kho lo i, a nute ka hei auh piak. Kan inn ah va kal law ka fanu va umpi ka ti. Zaanlei ka hung ṭin cun, nute! ziah na ka uah lengmang tiah ka hal. Ka nu! chun ah inn chung i keimah lawng Baibal ca ka rel lio ah dahkaw, kut pakhat nih ka kut a phen i, amah nih cun ka Baibal cu a keu i heh tiah a ka rin piak cu, ati. Mah hnu cun amah lawng in umter zong hi ka duh ti lo i, keimah nih maw, a nute nih maw asi khawh cungin kan umpi.
Q 20. Asi tak. A pa nih tah zei a hei ti ve, a pa kong hi nan chim bal lo ee?
Anu: A pa cu RCM cu asi i a zum duh lo. Atu tiang a kut caṭial zong a hmu rih lo. Zoh zong a duh lo.
Q 21. Azeikhom hmanh sisehlaw, news media pawl CNN tibantuk chim hna usihlaw a rem nan ti maw? Media pawl hmang in Pathian nih rian tampi a ṭuan khawh men dahkaw!
Anu: Midang zong nih an kan ti pah. Nain, nute nih hin a duh lo. Kei zong nih cun hei ra hna sehlaw a kut cattial a um lio hoi hna asi ṭung lo ahcun ningzah kan i huah lai si...a nu cu a ni pah.
Suimilam pakhat hrawng kan ṭhut hnu ah kan ṭin cang lai kan vun ti ah khin room chungah a vung tli ta duak i a hung chuak ṭhan. A hung chuah cun a kehlei kut ah caṭial cu a hung lang. A caṭial cu duhsah tete in a hung fiang chin thluahmah. A hnu ah cun catlap cung i ṭial mi tluk tein rel khawh asi. Aa ṭial mi cu " TELL THE GOOD NEWS" ti asi. Hman kan tlak cikcek hnu ah kan ṭin taak hna.
Zaanlei 3:00 p.m ah CBMC Biakinn an rung phan ṭhan. Biakinn ka phak le cangka ka ngiat hna. Biakinn chungah mi nih an rak buk lulh ko. Ka vung kal i, a kut ka zoh tikah an inn kan um lio i a langmi ca cu ka hmu ti lo. A kut reek i vailamtahtung kha heh tiah an rak zoh len mi cu asi. Biakiin chungah biachimnak tlawmpal a ngeih hnu ah Sunday School pawl sinah a vung kal i, kan fale nih bia zaza tor le cheng in an rak hal. Kei nih cun Sunday School pawl sin a chimmi cu ka thei thlu dih lo. A donghlei deuh ah khin an sinah ka vung lut i ka ngai ve. A bialehning cu a thiam ngaingai. Ka theih manh mi tlawmpal cu:
Q 22. Nangmah hi Pathian na si maw?
Amah: Ka si lo. Keimah cu Pathian nih a hmanmi thilti lawng ka si.
Q 23. Vancungkhua na kal lio ah Chin mi pawl na hmu hna maw?
Amah: Chin mi ti theng cun ka hngal lo. Mi ṭhami lawngte ka hmuh hna. Vancung khua ah cun thil ṭha lo asi mi alcohol tibantuk zong zeihhmanh a um lo.
Q 24. Vanmi tah na hmu hna maw?
Amah: Ka hmuh ko hna. Vanmi cu an sang ngaingai. Pe sarih hrawng an sang lai.
Q 25. Hell ram tah na hmuh maw?
Amah: Ka hmu lo. Bawmhnak hal in an hrum ai thawng lawng ka theih.
Q 26. Vancungkhua ah cun rawl ei a um maw?
Amah: A um ko. Amahbelte, ngasa le changreu lawng kan ei.
Q 27. Vancung ah cun an thih lio i a kumning te cio in maw an um hna, an ṭhang dah?
Amah: A liam cia kum tonghnih lio i a thi mi zong an rak thih lio ning te cio in a um ko hna. An ṭhang ti lo.
Q 28. Hngakchia a thimi pawl hi vancung ah an kai maw?
Amah: Mah tein chia ṭha thleidannak an ngei kho rih lomi cu an kai dih ko.
Q 28. Biathlam chung i Baibal nih a chimmi pawl khi zeitindah na ruah?
Amah: Ka hngal lo. Nanmah nak in Baibal hi ka thei lo deuh. Jesuh hnak fei in an chunh timi hmanh cu pei ka nu nih a ka chimh hnu lawngah ka theih ko cu.
Q 29. Mizaw damterkhawhnak na ngei maw?
Amah: Damterkhawhnak cu an ka pek ko. Ka kut cung i vailamtah tung pathum lakah a lai ta hi asi. Amahbelte, pakhat lawng ka damter rih.
Q 30. Na kut ca aa ṭial lio zoh khawh asi maw?
Amah: Asi ko. Nain, nan mit a caw lai i nan hmu hlei lai lo.
Q 31. Kan mit cu a caw thai lai maw?
Amah: A caw thai lai lo. Chikkhat kar lawng asi lai. It is not forever.
Q 32. An in zoh ruangah a mit a caw mi cu an um cang maw?
Amah: An um ko. Ka hawi nu Noami timi nute asi. Atu cu a dam ṭhan cang.
Amah hi Sunday School ngakchia ṭhi cu asi ve ko nain upa le hngakchia bialeh bak in a leh hna. A lehmi hna zong hi an ṭha ngaingai. Baibal ka hngal lo ati nain Baibal chung thilsining in tamdeuh cu a leh hna.
Khah, za rih ne seh. A sau remruam cang. A dong kho ding asi lo. Rel duhmi nan um pah caah ka hun ṭialmi asi. Zumh le zumh lo cu mah nawl cio asi ko. Atu zong hi mi nih an panh chin lengmang i a rauh hlan ah Media ngan deuh sin a phan te lai tiah ka zumh. Kei tu nih cun azeipek siah, kan zumh khawh lo hmanh ah kan Laimi chung in mah bantuk khuaruahhar hna an hung um cu uanpi awk asi ve ko ka hei ti.
Dam te cio in,
Van Thawng Cung
Maryland, USA
Hi kong tamdeuh rel a duhmi caah kan vun peh ṭhan. A rel cia nih cun Q13. thawk khin rel ding asi lai. "Duh le zumh, duh lo le zumh lo" ding asi ko. Kan Laimi chungah a cangmi thil asi caah faak khun in ka laak duhnak zong asi pah.
____________ _________ _________ _________ _________ ________
Laimi u le nau hna,
DC Lai hngakchia nute cung i a tlungmi thil kongkau ah Salai Bawi Uk Thang nih a vun ṭial len cang. Cun, a hmanthak zong a vun taar pah len cang. Theihtlei asi ve caah vun ṭial loin ka um kho lo. Tuzing tuan tein ka tho i kan umnak in 40 minutes hrawng asi mi an umnak hmun ah Pu Za Hnin Lian (Seihni Thang Cung nau pa) he kan vung kal. Suimilam pakhat tluk an nufa bia kan ruah hna. A nu, Kiakte hi keimah he Thantlang High School a rak kai ṭimi le hawikom ṭhing kan si caah i ngamhtlak ngaiin bia kan i ruah. Cu hnu ah zaanlei 3.00 p.m ah kan Biakinn (CBMC) ah i pum dingin kan upate nih an sawm hna caah mirangpa nih motor a vun khalh piak hna i a nufa an rung kan pumh pi. Cuvial chungin ka hmuhtonning tlawmpal zapi theih awk in hun chim ka duh.
A min: Chang Chue (A Ching)
A lai min: Far Sung Hniang
A chuahnak: Hakha
A holh thiammi: Hakha, Falam, English
A kum: 13 yrs
A cataang: 8th Grade
A umnak: Frederick, Maryland
A nu min: Biak Thluai (Kiakte)
A pa min: Ywe Han (Hakha Laansung ummi)
Biahalnak le bialehnak in ṭial ah a fian deuh ka zumh caah mahtining cun anu he, amah he bia an kan lehning in ka hun ṭial ko lai. Biahalnak hi 'Q', a nu bialehnak hi 'Anu', Aching bialehnak hi 'Amah' tiin ka hun hman lai. Cun, Aching hi muidawhte, mifimte, mi duhnungte, mi ngote, mi nunnemte, mi titsa hninghno ngaimi te, mi holh tlawmte, mi ningzah pangte, hngakchia mui a keng ngai rih mite (innocent face) khi asi.
Q 1. Zeitik in dah mah ti a um hi aa thawkning?
Anu: Kan hnu lei August thla i Saya LiLian Camping a dongh lai zaan khan aa thawk.
Q 2. Mah cu zeitiset in dah asi ning asi?
Anu: Camping dong lai zaan ah amah tein Jesuh lemcang in a um i, kan inn ah na fanu mahti cun a um e, tiah an ka auh caah ka vung kal. Ka phak ah cun a rak dam cang. Amah zong piangpai ngaiin a rak um. Camping kai mi vialte tu cu kan sinah Jesuh a tak in aa langh an ti i, mitthli rual he an rak ṭap dih hna. Mahti lio ah cun amah cu a lung a fim lo an ti. Video le Camera in hmanthlak a timh len nain a hohmanh nih an thla kho lo. An Camera le an video vialte zeitin dik asi hnga, a rawk dih bantukin a um an ti.
Q 3. Jesuh a tak in aa langh na timi cu zeitindah aa langhning asi?
Anu: Amah cu a holh lo. A lung zong a fim lo. Nain, Jesuh vailamtahnak i a temhning te bak in a taksa in a langhter. Drama bantuk khi asi ko hen cu. A kephah pahnih aa chuah, a ban aa phar. A ke pahnih aa chuah mi cu patling pipi nih an ṭhial hnik len zongah a ngah lo.
Q 3. Zeitik in dah a kut cung i caṭial hi a langh?
Anu: A liam cia zarh hnih hrawng khan asi. Zingka ah kan tho i, ka nu ka kut hi zohhmanh amah tein ca aa ttial a ka ti i, ka zo piak. Ka khuaruah a hartuk ve i Pu Than Kip Luai le kan krihfa upa pathum-li le a nute le pawl ka auh hna i an hung zoh cio.
Q 4. Zei tehna dah aa ttial?
Anu: A ṭialka ah cun a tambik cu 'I am coming soon' ti tehna, 'Tell the Gospel' ti tehna, I am real ti tehna, Peace ti tehna, Wisdom ti tehna an si bik. A tamtuk aa ṭial cang i kaa chinchiah cawk lo. Cun, a caṭial hi biatawi tete lawngte in a lang. Kan krihfa upa pawl nih cun a caan he a caṭial he an i chinchiah dih ko.
Mah chung vialte cu a nu he lawng bia kan i ruah hna. Kan fanute cu hmuh kan duh ko, ra kan auh piak ko tuah tiah a nu cu ka hal. Aih! kan nufa ningzak kan si. Hawi theihter hmanh hi kan duh lo fawh. Ka hawile nanmah sin lawngah fawh ka chim bia deuh asi a ti. A fanu cu a vun auh i a rung ṭum. Hmaan kan thakpi. A kut cu kan zoh. Caṭial cu zeihmanh a um lo. A vun belte cu a car nawn khin a um. A kehlei kutbor (reekte) zawn i a cuangmi vailamtah pathum le a kutbor (keh le vorh) cung i a ummi thirkhenhnak neh belte cu an um. Anu nih "nute, na pu le an si hih, ṭha tein chawn hna" a hei ti i ngamh ngaiin a hei kan chawnh ve.
Q 5. Na kut caṭial cu a um ti lo maw, zeihmanh kan hmuh ṭung lo?
Amah: A duh caan paoh ah a chuak i a duh caan paoh ah a tlau.
Q 6. Mah caṭial a hung chuah lai cu na thei maw? A fah tah a faak maw? Zeiti khin dah na feel ning asi?
Amah: Ka theih ko. A thak pah. A fah zong a faak pah. A chim awk ka hngal ve lo.
Q 7. Na taksa dang ah tah zeizei a um maw?
Amah: Kan hnu zarh ah ka hnak a faak i mah zawnah cun a nakmi hmaneh a cuang. Mahka zawn cun a thi a chuak. A hmaneh cu a tu cu a lo. Nain, a duh caan ah a lang ṭhan. Cun, ka ke thir an khenhnak hmaneh zong a lang. Mah tu hi cu a thi tlawmte lawng a chuak.
Anu: Nizaan tihni ah khan a hawinu tiddim nute he chun ah lente an i celh lio ah eekinn ah a lut i a au i, ka vun zoh cu a kut cunglei thirkhenhnak hmaneh zawn in thisen a hung luang thiahmah ko. Zeiti awk ka hnga lo i, ka hnawh piak. Ka hnawh lio ah a hawinu te nih a kan naihtuk i, a thi dorte nih a tlak sual. A ai ciammam i a ṭap i, a pa sinah a tli.
Q 8. Ziah thisen dor tlak cu mahti cun na hawinu cu a ai hnga?
Amah: Keimah thisen asi lo. Pathian thisen asi. Pathian thisen cu hmuh khawh asi. Nain, tongh a ngah lo. Nan tongh ahcun aan kangh ko hna lai.
Q 9. Nute, zeiruang ah dah na kut ca aa ṭhial lai ah mi hmuh lo nak room maw, eek inn ah maw na zaam lengmang? Na nu nih hmuh a duh lo a zaam lengmang aan ti?
Amah: Pathian hmai cu hmuh a ngah lo. A zoh mi cu an mit a caw lai.
Q 10. Aa ṭial lio cu na hmu maw? Cafung in maw an ṭial, amah tein dah na thahri an hung puar?
Amah: A ṭialtu kut cu ka hmuh ko. Nain, voitam ka hmu ve lo. Room chung ka luh bak khin ka mit kaa au hlei ve ti lo.
Q 11. A caṭial cu mirang holh lawngte maw asi peng?
Amah: Aa ṭial ka ah cun Greek, Israel le Taluk holh in aa ṭial. Ka theih khawh lo caah thla ka cam i amah tein mirang holh ah aa thleng.
Q 12. A dang zeizei na hmuhmi le na theihnak a um maw?
Amah: Nangmah bantuk minung hi vawleicungah an chuak ti lai lo. Nangmah hi a donghnak na si. Atu ah cun mitlawmte lawng nih an in theih. Nain, hi hnu ah cun mitampi nih nangmah hi an in kawl lai i hmuh an in duh lai an ka ti.
Q 13. Mah vial lawng cu maw, a dang a um ti maw?
Amah: A um ko. Keimah hi vailam ah thah ka si te lai. Nain, nithum hnu ah ka tho ṭhan lai. Cucaah, thlankhor thukpi chungah an ka phum nak hnga lo ka chim lengmang. Mah cu miphun dang vialte nih an ka theih khawh nak hnga ding caah asi.
Q 14. An in thah ding cu na ṭih maw?
Amah: Preparation ka ngei dih cang i ka ṭih lo.
Q 15. Mahti na umka te hin Pathian thlarau rianṭuannak asi ti na fiang maw?
Amah: Ka fiang lo. A duh zong ka duh lo. Thla ka cam lengmang. Nain, atu cu a ka fial mi paoh tuah dingin ka accept cang.
Q 16. Sianginn na kainak ah na kut caṭial hi a chuak bal maw?
Amah: Voihnih a chuak. Nain, ka hawile nih cun an hmu lo.
Q 17. Ziah, na zohter ve hna lo, hmu ve hna seh law pei an zumh hnga cu?
Amah: Na lih, nangmah tein naa ṭial an ka ti lai i an zum hlei lai lo.Anu: Voikhat cu sianginn ah a chuak hnik i a umkhua a nuamh lo caah a kan auh i kan vung laak. Mah thawk cun, ka nu, siangiin hi ka kai rih lai lo a kan ti i a tu tiang aa din ko.
Q 18. Sianginn cu kai lo thai maw naa timh?
Amah: Hmaizarh cun ka kai ṭhan cang lai ka ti.
Q 19. Chun karlak ah nangmah lawng maw inn ah an in kal taak tawn?
Anu: Voikhat cu rian ka ṭuan lio ah a ka auh i, ka nu rak ṭin zokzok law a ka ti. Rian ṭuan lio cu asi caah ka ṭin kho lo i, a nute ka hei auh piak. Kan inn ah va kal law ka fanu va umpi ka ti. Zaanlei ka hung ṭin cun, nute! ziah na ka uah lengmang tiah ka hal. Ka nu! chun ah inn chung i keimah lawng Baibal ca ka rel lio ah dahkaw, kut pakhat nih ka kut a phen i, amah nih cun ka Baibal cu a keu i heh tiah a ka rin piak cu, ati. Mah hnu cun amah lawng in umter zong hi ka duh ti lo i, keimah nih maw, a nute nih maw asi khawh cungin kan umpi.
Q 20. Asi tak. A pa nih tah zei a hei ti ve, a pa kong hi nan chim bal lo ee?
Anu: A pa cu RCM cu asi i a zum duh lo. Atu tiang a kut caṭial zong a hmu rih lo. Zoh zong a duh lo.
Q 21. Azeikhom hmanh sisehlaw, news media pawl CNN tibantuk chim hna usihlaw a rem nan ti maw? Media pawl hmang in Pathian nih rian tampi a ṭuan khawh men dahkaw!
Anu: Midang zong nih an kan ti pah. Nain, nute nih hin a duh lo. Kei zong nih cun hei ra hna sehlaw a kut cattial a um lio hoi hna asi ṭung lo ahcun ningzah kan i huah lai si...a nu cu a ni pah.
Suimilam pakhat hrawng kan ṭhut hnu ah kan ṭin cang lai kan vun ti ah khin room chungah a vung tli ta duak i a hung chuak ṭhan. A hung chuah cun a kehlei kut ah caṭial cu a hung lang. A caṭial cu duhsah tete in a hung fiang chin thluahmah. A hnu ah cun catlap cung i ṭial mi tluk tein rel khawh asi. Aa ṭial mi cu " TELL THE GOOD NEWS" ti asi. Hman kan tlak cikcek hnu ah kan ṭin taak hna.
Zaanlei 3:00 p.m ah CBMC Biakinn an rung phan ṭhan. Biakinn ka phak le cangka ka ngiat hna. Biakinn chungah mi nih an rak buk lulh ko. Ka vung kal i, a kut ka zoh tikah an inn kan um lio i a langmi ca cu ka hmu ti lo. A kut reek i vailamtahtung kha heh tiah an rak zoh len mi cu asi. Biakiin chungah biachimnak tlawmpal a ngeih hnu ah Sunday School pawl sinah a vung kal i, kan fale nih bia zaza tor le cheng in an rak hal. Kei nih cun Sunday School pawl sin a chimmi cu ka thei thlu dih lo. A donghlei deuh ah khin an sinah ka vung lut i ka ngai ve. A bialehning cu a thiam ngaingai. Ka theih manh mi tlawmpal cu:
Q 22. Nangmah hi Pathian na si maw?
Amah: Ka si lo. Keimah cu Pathian nih a hmanmi thilti lawng ka si.
Q 23. Vancungkhua na kal lio ah Chin mi pawl na hmu hna maw?
Amah: Chin mi ti theng cun ka hngal lo. Mi ṭhami lawngte ka hmuh hna. Vancung khua ah cun thil ṭha lo asi mi alcohol tibantuk zong zeihhmanh a um lo.
Q 24. Vanmi tah na hmu hna maw?
Amah: Ka hmuh ko hna. Vanmi cu an sang ngaingai. Pe sarih hrawng an sang lai.
Q 25. Hell ram tah na hmuh maw?
Amah: Ka hmu lo. Bawmhnak hal in an hrum ai thawng lawng ka theih.
Q 26. Vancungkhua ah cun rawl ei a um maw?
Amah: A um ko. Amahbelte, ngasa le changreu lawng kan ei.
Q 27. Vancung ah cun an thih lio i a kumning te cio in maw an um hna, an ṭhang dah?
Amah: A liam cia kum tonghnih lio i a thi mi zong an rak thih lio ning te cio in a um ko hna. An ṭhang ti lo.
Q 28. Hngakchia a thimi pawl hi vancung ah an kai maw?
Amah: Mah tein chia ṭha thleidannak an ngei kho rih lomi cu an kai dih ko.
Q 28. Biathlam chung i Baibal nih a chimmi pawl khi zeitindah na ruah?
Amah: Ka hngal lo. Nanmah nak in Baibal hi ka thei lo deuh. Jesuh hnak fei in an chunh timi hmanh cu pei ka nu nih a ka chimh hnu lawngah ka theih ko cu.
Q 29. Mizaw damterkhawhnak na ngei maw?
Amah: Damterkhawhnak cu an ka pek ko. Ka kut cung i vailamtah tung pathum lakah a lai ta hi asi. Amahbelte, pakhat lawng ka damter rih.
Q 30. Na kut ca aa ṭial lio zoh khawh asi maw?
Amah: Asi ko. Nain, nan mit a caw lai i nan hmu hlei lai lo.
Q 31. Kan mit cu a caw thai lai maw?
Amah: A caw thai lai lo. Chikkhat kar lawng asi lai. It is not forever.
Q 32. An in zoh ruangah a mit a caw mi cu an um cang maw?
Amah: An um ko. Ka hawi nu Noami timi nute asi. Atu cu a dam ṭhan cang.
Amah hi Sunday School ngakchia ṭhi cu asi ve ko nain upa le hngakchia bialeh bak in a leh hna. A lehmi hna zong hi an ṭha ngaingai. Baibal ka hngal lo ati nain Baibal chung thilsining in tamdeuh cu a leh hna.
Khah, za rih ne seh. A sau remruam cang. A dong kho ding asi lo. Rel duhmi nan um pah caah ka hun ṭialmi asi. Zumh le zumh lo cu mah nawl cio asi ko. Atu zong hi mi nih an panh chin lengmang i a rauh hlan ah Media ngan deuh sin a phan te lai tiah ka zumh. Kei tu nih cun azeipek siah, kan zumh khawh lo hmanh ah kan Laimi chung in mah bantuk khuaruahhar hna an hung um cu uanpi awk asi ve ko ka hei ti.
Dam te cio in,
Van Thawng Cung
Maryland, USA
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Posts
0 nih a/an lungbia a/an ṭial.:
Post a Comment