Lam Ṭim Ah Dar Bang Nan Kuai Cu Ee

Bawitlung Manglin
Springfield, MO
U S A

lenpi hawi le nan miphun nih
hringtu nupa za dawmh lo i
robia ka khat chim manh lo in
nan chan ṭim ah dar bang nan kuai
kan ti len ee nan van chiat cu

nan thawng chimthli nih khuaza culpi
semnak lungrawn kan run hlum tiang in
lenpi khukṭhi rual hawi hna le
nan cawi hrinhniang nan thaisung hna cu
zei bang hna maw mitthli rialti bang zur hna

ka’n tahchunh hna kaiṭial va bang
ramhraang kal in fano cawm khi
bu leng lawnh lo nan hringhniang rual nih
an in hlam hna ka mit thlam ah
rizung mual liam cia van duai hna aw

kan cung Mangbawi kan biak ṭinak
lungrawn khua zung le maw biak run sang nih
cing hna lai mu nan zun thlam cu ee
ton ṭhannak tu um ṭhan ko seh
kan ruahchanmi kan biak Pathian sin ah

van duai hna aw chan ṭim hlan i
dar bang nan kuai tuan cu
nan liam lung herh ṭheu lai
ram lian lawnh le chungkhar tling he
ton lai ni len nan nawl ve kha

lungkil nan ruat nan len hawidawt le
chuah sempi nih nan zun an tlem hna lai
kum tin liam in hnemh kho hna lai thla maw
nan idawhnak nan iang-ai cio te kha
maw Pathian kan hnem law na dawt Laimi phun hi