Heman Lian Hrin
Bualtak khua cu Loklung in atu Bualtal khua ah iṭhial hnu ah hin dodangh/biak mi a phunphun an ngei Khuavang a domi chungkhar pakhat an rak um. Fanu dawh ngai pakhat an ngei i, ṭhifang bang bihzuunmi a si. A min ah Ṭial Ceeng ti a si. Cu hna chungkhar nih cun Siakawng note an ngei i, a ṭialmi te a si. Ṭial Ceeng he an i ngamhtlak ngaingai ti a si.
Khuangcawi, bawite bawi, chuanchangser, salawngcheh, sasawmtuk, pasawmrel, fanu-ah ti bantuk hi pathang chuannak ah an tuah tawnmi an si. Ṭial Ceeng chungkhar zong nih khuang an cawi i, an fanu nih a khalh tawnmi Sia cu an thah. Ṭial Ceeng cu a ngaih a chia tuk hringhran. A phaw cu tual ah an pho i, a cungah ṭhu in Ṭial Ceeng nih Thopaw a rin tawn ti a si. Cu lio ahcun thlitu a hrang i saphaw he Ṭial Ceeng he lodiam a choih hna. Cucu KHUA NIH A CAWI an ti.
Caan saunawn a rauh hnu ah Khuavang nih bia a chimmi cu, “Chaw kan man lai, tual laifang ah pher rak phah ulaw, zupu pu 9 in nan chiah lai. Cu zupu hna ahcun, ṬHI ka ngerh lai. Cu lio ahcun nan ka zoh lai lo,” ti a si. Cu bia ningte cun Ṭial Ceeng nu le pa nih tual laifang ah cun pher an phah i, zupu pu 9 cu an chiah. Chun laicer ah thlitu thawng in Ṭial Ceeng cu a rung ṭum i, zupu cu Ṭhi a ngerh hna. Zupu pu 4 a ngerh dih i pu 5nk a ngerh lio ah a nu nih ka fa a si hngal ko nain a mui hmuh lo cu tiin innka cu ‘riik’ tiah a hun i a hei zoh tikah thlitu nih Ṭial Ceeng cu lodiam a zuanpi ṭhan. Atu tiang a chuak bal ti lo.
Bible i Elijah le Enock cu an nungpahrim in vanram an kai timi hi khuaruahhar cu a si lo. Khuavang hmanh nih Ṭial Ceeng an cawi ve ko. Pathian caah a si kho lomi zeihmanh a um lo.
Cherhchan: Cengam chung Pu Ṭial To (Ṭial Ceeng te chung) nih a nun lio i a chim ning in a si.
Hi hlan tuanbia hi Bualtak le Nipi khua mi nih an chuahmi: Kum 1 nak; Voi 4 nak, September 2004 kum i PARDAWH cazual chung i lakmi a si.
Bualtak khua cu Loklung in atu Bualtal khua ah iṭhial hnu ah hin dodangh/biak mi a phunphun an ngei Khuavang a domi chungkhar pakhat an rak um. Fanu dawh ngai pakhat an ngei i, ṭhifang bang bihzuunmi a si. A min ah Ṭial Ceeng ti a si. Cu hna chungkhar nih cun Siakawng note an ngei i, a ṭialmi te a si. Ṭial Ceeng he an i ngamhtlak ngaingai ti a si.
Khuangcawi, bawite bawi, chuanchangser, salawngcheh, sasawmtuk, pasawmrel, fanu-ah ti bantuk hi pathang chuannak ah an tuah tawnmi an si. Ṭial Ceeng chungkhar zong nih khuang an cawi i, an fanu nih a khalh tawnmi Sia cu an thah. Ṭial Ceeng cu a ngaih a chia tuk hringhran. A phaw cu tual ah an pho i, a cungah ṭhu in Ṭial Ceeng nih Thopaw a rin tawn ti a si. Cu lio ahcun thlitu a hrang i saphaw he Ṭial Ceeng he lodiam a choih hna. Cucu KHUA NIH A CAWI an ti.
Caan saunawn a rauh hnu ah Khuavang nih bia a chimmi cu, “Chaw kan man lai, tual laifang ah pher rak phah ulaw, zupu pu 9 in nan chiah lai. Cu zupu hna ahcun, ṬHI ka ngerh lai. Cu lio ahcun nan ka zoh lai lo,” ti a si. Cu bia ningte cun Ṭial Ceeng nu le pa nih tual laifang ah cun pher an phah i, zupu pu 9 cu an chiah. Chun laicer ah thlitu thawng in Ṭial Ceeng cu a rung ṭum i, zupu cu Ṭhi a ngerh hna. Zupu pu 4 a ngerh dih i pu 5nk a ngerh lio ah a nu nih ka fa a si hngal ko nain a mui hmuh lo cu tiin innka cu ‘riik’ tiah a hun i a hei zoh tikah thlitu nih Ṭial Ceeng cu lodiam a zuanpi ṭhan. Atu tiang a chuak bal ti lo.
Bible i Elijah le Enock cu an nungpahrim in vanram an kai timi hi khuaruahhar cu a si lo. Khuavang hmanh nih Ṭial Ceeng an cawi ve ko. Pathian caah a si kho lomi zeihmanh a um lo.
Cherhchan: Cengam chung Pu Ṭial To (Ṭial Ceeng te chung) nih a nun lio i a chim ning in a si.
Hi hlan tuanbia hi Bualtak le Nipi khua mi nih an chuahmi: Kum 1 nak; Voi 4 nak, September 2004 kum i PARDAWH cazual chung i lakmi a si.
Posts
0 nih a/an lungbia a/an ṭial.:
Post a Comment