Lai Phungthlukbia

A it mang man, a hrak voih thei

A itmi nih zei hmanh thei lo in an it i a hrakmi nih mi voih zong an theih dih. A sullam cu, a thi ciami hna le a kal ciami hna nih thil ṭha lo an tuahtakmi cu a rung tangmi nih har lengmang in an tuah le an tuar tikah chim tawnmi a si.

A ka duh lo nih fir ping ka puh
An sual na lo in a huatu nih hramhram in sual an phawt tik hna ah chim tawnmi a si.

A kung ṭhu
A kung timi cu a hmun tinak a si. A hmunka ah a ummi tinak a si. Tiva pawng i a ummi pa cu, anih cu a kung ṭhu a si lo maw, ngasa cu duhtawk in ta a ei lai, tiah an ti tawn.

A ler lamh tlaknak
Thingtan a parlei a dohtu a um lomi ilamh sual ahcun tlaknak a si. Cu bantuk in bia na chim tikah bia hlei na keih i a si lomi na chim sual ahcun liampalnak le ningzahnak na tong sual lai tinak a si.

A lettalam kawlrawn tlawn
Rian a ningcang lo in ṭuan tikah chim tawnmi a si.


Pipu holhthuk le phungthluk bia hi Research Sub-Committee, CACC nih A voikhatnak a hran: Holhthuk, Pupa hla, Chimkem bia, Phungthlukbia le a fianternak cauk chung i lakmi a si.