Media nih aa tinhmi ah hin zapi theihhngalhnak pek hi aa tel. Dmukaresi ram le hramuk ram i a ummi media hi aa dang tuk. Dmukaresi ram i a ummi media cu nuhrinvo he aa tlak i hramuk ram i a ummi media cu nuhrinvo he aa kalh. Nuhrinvo ah hin zalongte in duh paoh chim le ṭial khawh hi aa tel. Laimi hi ram kip ah kan phan hna i a bu tete in kan um hna. Mahle zaangphak tawk in cazual tete chuah cio a si. Ram cheukhat ah cun Khrihfa bupi nih an chuahpiak hna. Anmah kong an telh pinah Thlarau rawl ipeknak ah hman a si. Cazual timi hrimhrim hi mah kong ithanhnak deuh ah hman a si. An Khrihfa bu kong theih kan duh ahcun an cazual in theih khawh a si, an president he iton hau loin. A ruang cu media nih mi theihhngalhnak a pek khawh tuk caah a si. Media rian a ṭuantu pawl hi mi nih an zumh tuk hna. Mi ruahnak zong an thlen khawh tuk. Mi kan timi ah hin cozah zong aa tel. Media hi a hmual a ṭhat tluk in ṭih zong a nung. Nai i HRW (Human Rights Watch) nih ca a chuahmi ah Mizo ram ah YMA nih Laimi sinah an lungputning tam lakte a ṭial. Thil hman a si ahcun YMA an lung an ṭhinhnak a si hnga i a hman lo ahcun Laimi harnak a si hnga. HRW nih ca lawng in si loin Inṭhanet ah a tar. Vawlei cung Inṭhanet a umnak hmun paoh in rel khawh a si. YMA le Laimi kong hi holh phunkip in rel khawh a si hnga. Internet nih mirang holh cu holh tam tuk in a thlen khawh. Bloka (Blogger) pawl zong nih Kawl le Lai le Mizo in an duhnak tete an i leh i an Blok ah an tar. Inṭhanet hmang in rian an ṭuan tikah theihhngalhnak a pek ning a rang tuk.
Inṭhanet hmang in caholh zong ṭhanchoter khawh a si. Laica rel cu chim lo a holh hmanh aa harhmi nih duh tawk in, an ran ning hmanh ti awk ṭha lo, Laica in chatṭing an i tuah. Kan hmet lio i, “Ka nu, vdio zohnak ah tangka ka ṭhen” kan ti tawnmi kha “Inṭhanet luhnak ah tangka ka ṭhen” ti a si cang. Vdio zoh nakin Inṭhanet luh an i sawm deuh cang. Senri Cazual zong hi CCF, Caholh le Nunphung komiṭi nih a chuahmi a si caah Khrihfa bupi nih chuahmi he cun aa dang deuh. Khrihfa bu chung lawng ah phanhter loin khuaza ramkip ah a thanh awk a si, caholh ṭhanchonak ah. Cucu inṭhanet hmang in rian ṭuan khawh a si. I-cakuat (email) a um ve bantukin I-cazual (Enewsletter) ser khawh a si. Cu lawng si loin website hmang in awnlai (online) in rel khawh ding in tuah khawh a si. Cu nih cun mipi theihhngalhnak a pek pinah caholh ṭhanchonak a si kho.
Inṭhanet hmang in caholh zong ṭhanchoter khawh a si. Laica rel cu chim lo a holh hmanh aa harhmi nih duh tawk in, an ran ning hmanh ti awk ṭha lo, Laica in chatṭing an i tuah. Kan hmet lio i, “Ka nu, vdio zohnak ah tangka ka ṭhen” kan ti tawnmi kha “Inṭhanet luhnak ah tangka ka ṭhen” ti a si cang. Vdio zoh nakin Inṭhanet luh an i sawm deuh cang. Senri Cazual zong hi CCF, Caholh le Nunphung komiṭi nih a chuahmi a si caah Khrihfa bupi nih chuahmi he cun aa dang deuh. Khrihfa bu chung lawng ah phanhter loin khuaza ramkip ah a thanh awk a si, caholh ṭhanchonak ah. Cucu inṭhanet hmang in rian ṭuan khawh a si. I-cakuat (email) a um ve bantukin I-cazual (Enewsletter) ser khawh a si. Cu lawng si loin website hmang in awnlai (online) in rel khawh ding in tuah khawh a si. Cu nih cun mipi theihhngalhnak a pek pinah caholh ṭhanchonak a si kho.
Posts
0 nih a/an lungbia a/an ṭial.:
Post a Comment