Vanva Run

Vanva run bang
Ṭio ral nan liam hnu ah
Chokhlei an par
Phaizawng an par
Vawrawng an par
Faiceu an par
Anmah le caan in an par
Hringtu na nu ka li a leeng
Hringtu na pa zankhua ka dei

Vanva runpi
Ka ṭaang nem ah nan rak inuam
Replo inn ah nan rak inuam
Na semmawng lio, na nu na pa sinah na ngam
Ka ruah zawn ah pasal bak kan ti
Hringtu na nu ka hrin a pit
Hringtu na pa ka sam par cang

Chokhlei par tang ka len zawn ah
Nang kan ruah i merh zimziam in
Sina'n biang ah mitthli a luang
Kaa fahsak tuk Vanva runpi
A liamcia caan a ra lai caan
Teitu si hrim uh kan hngahhlang hna
Faiceu par bang senduk sen in
Lairam ka bia zilthli nem te
Thiar ai kun law Vanva run sin ah

Vanva runpi selmi hmual den
Nan khen ni cu vakok cuang mi
Chinmi thantaar ka lu cung ah
Nan vun taar ding ka ruah zawn ah
Kaan upat hna Lairam nan pa nih

Bawitlung Manglin
Springfield, MO
U S A