Chin National Front Bawm Hna Usih

CNF bawm hna usih ka ti ah hin phundang te a lo men lai. A herh tukmi a si ti in ka pom caah a si. Kawl ralkap he iremnak tuah hmanh hna seh law ahnu ah Kawl ralkap nih miphundang a tuah hna bantuk in a rawi ṭhiamṭhiam hna lai i atu nakin kan ram a har chin lai. Khuaza Suni Islamist pawl nih 1988 i an rak dirhmi Al-Qaida bu hmanh khi kawl ralkap an doh ah cun bawmh ding an si hnga. Kawl rammi kan tem tuk cang. CNF ruang ah Laimi kan tem kan ti ah cun NLD pawl ruangah kawlmi an tem kan ti kho hnga ma? Kan ti kho lai lo dah? Atu lio kawl ralkap uknak phung hrimhrim dah kaw a bon lo cu. Cu a bon lomi phung cu CNF nih hriam in a doh. CNF cu Mat 20, 1988 ni ah an rak dirh i mat 20, 2009 ni tik ah cun kum 21 a ti cang lai. 2009 zong ah ram le miphun caah siangngakchia zei vial dah an pam rih lai? Ramṭha phanh an duh tuk ve ko lai. Nain kan miphun le ram caah an ti i an nun an thap. Rawl lo le ti loin an um caan a tam. Hling le so an pah caan zong a um. A phunphun in harnak an tong. Pakhat hnih cu kawl ralkap cozah sin ah an i-ap. Riahnak le umnak hmanh an ngei lo. Rawl hmanh an pe ṭhiṭha hna lo. Kumkhat hnih Hakha ah an ichawk luala i an thah hna ma zei dik, khua zei an um zong hngalh an si ti lo. Micheu ramṭha an phan. A doh na a bawm na an si. Doh ti tik ah ṭha seh tiah an hei phai bia khi a si i CNF hi harnak tong taktak seh law a bawm ding ngawt an si tiah ruahnak ka ngei.

CNF nih mipi a lak in mizaw an zoh lio...


CNF a voikhatnak paṭi konfaren le hruaitu upa pawl

CNF GS nih an rianṭuanning a fianh lio


Siangngakchia upa pawl biaruahnak an ngeih lio


CNF upa pawl

CNF meṭing an tuah lio

Siangngakchia an pupi le siangngakchia pawl (an thuam tuah khat cawkpiak dingah nang le kei ka lungthin zeidah a lawh hnga. Hi hna tuanbia hi kan tufale nih sianginn ah an rak cawn te lai.)

Malesia ah ziah an kal ve hnga lo? Ziah rifiuzi an sok ve hnga lo? Cu tluk an nun a va sungh cu! Ram le miphun caah ka upatmi nusal le pasal cu hi hna hi an si.

Thlacamnak in kan in bawmh hna. Nan saduh tling hram seh.

CNF nih mipi a lak in an thlomh lio...

CNF nih aa tinhmi lam hi tluang hram seh. Hitluk har le fe in ramtang ah Lai Miphun caah ti'n rian nan ṭuanmi cungah upatnak ka'n pek hna. Keimah bantuk in Korea ah um hna seh law zeitluk in dik an ilawmh hnga, Pathian sin ah.

Chin National Front Regional Committee, USA
Chin National Front Regional Committee, Canada
Chin National Front Regional Committee, Denmark
Chin National Front Regional Committee, Germany
Chin National Front Regional Committee, India
Chin National Front Regional Committee, Norway
Chin National Front Regional Committee, S. Korea

CNF cu a cung komiṭi ah hin bawmh khawh an si ti thawng ka theih. Rak ihlat ve cio te uh. 'Kut te zawngza' an ti dah ngai, kan pipu bia le hla ah.

Laaknak: http://www.chinland.org