Kan Sining Cio In

Muidawh paoh khi
Duh an nung lo
Muichia paoh zong
Huat an tlai lo.
Mi tuah mi chim
A tuah kho lo le
A chim kho lo paoh
Mihrut an si lo
Mi tuah mi chim
A tuah kho paoh le
A chim kho paoh
An fim hlei lo
Tangka ngeih paoh
An rum hlei lo
Ei awk ngeih lo paoh
An sifak hlei lo
Minung cu,
Kan sining cio in
Santlaihnak le ṭhathnemnak
A ngeihmi kan si.

dktluang
18.09.10 Read More!

Dai, Zoh, Hngak rih tbt

Dai!!
A chimmi ngai
Bia a chim lio khi
Ṭha tein ngai!

Hngak rih!!
Khua a dei deng
Khuadei hlan cun,
Bia tam tuk in
Chim ding asi lo.

Zoh!!
Na kalnak ding
Na lam kha,
Ṭha tein zoh
Lam lo kal cu
Tlau a fawi te.

dktluang
15.03.10 Read More!

Na Zulhmi Lam (II)

Na zulhmi lam in
"Ka tlau" ti
Na theih hlan paoh cu
Cu lam cung ahcun
Na kal cuahmah ko lai
Nain "ka tlau" ti
Na theih hnu ahcun
Kir ṭhan na duh lai
Nain, kirnak lam bal
Na thei lai lo.

dktluang
11.09.10 Read More!

Na Zulhmi Lam (I)

Na hmaika ah
Na thim ding lam
An um len lai, nain
Na thim hlan ah
Na rak ṭinnak lam kha
Zoh ta hmasa!

dktluang Read More!

I Hleng Hlah

"Thaizing thaiziang"
A ti ruang ah,
Aih awk puan
A ngei lo mi "Kinglang"
Na lawh lo nakhnga
I hleng hlah!
Na ngeihmi caan
Hman thiam i zuam.

dktluang
10.08.10 Read More!